കടന്നപ്പള്ളി
പാണപ്പുഴ ഗ്രാമ പഞ്ചായത്ത്

കടന്നപ്പള്ളി പാണപ്പുഴ ഗ്രാമ പഞ്ചായത്തിലെ പറവൂർ മിനി സ്റ്റേഡിയത്തിൻ്റെ പ്രവൃത്തി ഉദ്ഘാടനം കായിക വകുപ്പ് മന്ത്രി വി അബ്ദു റഹിമാൻ ഓൺലൈൻ മുഖേന നിർവ്വഹിച്ചു. എം വിജിൻ എം എൽ എ അധ്യക്ഷത വഹിച്ച് ശിലാസ്ഥാപനം നിർവഹിച്ചു

പാണപ്പുഴ: കടന്നപ്പള്ളി -പാണപ്പുഴ ഗ്രാമപഞ്ചായത്ത് പറവൂർ മിനി സ്റ്റേഡിയത്തിൻ്റെ പ്രവൃത്തി ഉദ്ഘാടനം കായിക വകുപ്പ് മന്ത്രി വി അബ്ദു റഹിമാൻ ഓൺലൈൻ മുഖേന നിർവ്വഹിച്ചു. എം വിജിൻ എം എൽ എ അധ്യക്ഷനായി ശിലാസ്ഥാപനം നിർവഹിച്ചു. കടന്നപ്പള്ളി പാണപ്പുഴ ഗ്രാമ പഞ്ചായത്ത് പ്രസിഡന്റ് ടി വി ചന്ദ്രൻ സ്വാഗതം പറഞ്ഞു. പൊതു മരാമത്ത് അസി എഞ്ചിനീയർ അശ്വതി ജി കൃഷ്ണൻ റിപ്പോർട്ട് അവതരിപ്പിച്ചു. കടന്നപ്പള്ളി പാണപ്പുഴ വികസന കാര്യ സ്റ്റാന്റിഗ് കമ്മിറ്റി ചെയർമാൻ പി നാരായണൻ, കടന്നപ്പള്ളി പാണപ്പുഴ മുൻ പഞ്ചായത്ത് പ്രസിഡന്റ് കെ പദ്മനാഭൻ, പഞ്ചായത്തംഗം വി വി ബിന്ദു, മുൻ പഞ്ചായത്തംഗം ടി വി ചന്തൻ കുട്ടി, മുൻ പഞ്ചായത്തംഗം എൻ കാർത്ത്യായനി, കെ ഭാസ്കരൻ എന്നിവർ സംസാരിച്ചു. സി ഷിബു നന്ദി പറഞ്ഞു.സംസ്ഥാന സർക്കാർ ഒരു കോടി രൂപയാണ് പറവൂർ മിനി സ്റ്റേഡിയത്തിൻ്റെ പ്രവൃത്തിക്കായി അനുവദിച്ചിട്ടുള്ളത്.